زیر ناف بال صاف کرتے وقت شہوت سے منی خارج ہونے سے روزہ کا حکم:

صورتِ مسئولہ میں روزہ فاسد ہو گیا اور قضا واجب ہے، کیوں کہ منی خارج کرتے وقت ہاتھ لگایا ہو گا، اور ہاتھ لگانے سے شہوت کے ساتھ منی خارج ہو جائے تو روزہ ٹوٹ جاتا ہے ۔
ملاحظہ ہو فتاوی ولوالجیہ میں ہے:

الصائم إذا عالج ذكره حتى أمنى يجب عليه القضاء هو المختار، لأنه وجد الجماع معنى. (الفتاوى الولوالجية: ۱/۲۱۸، فيما يفسد صومه وفيما لا يفسد، بيروت)

البحر الرائق میں ہے:

قالوا: الصائم إذا عالج ذكره حتى أمني يجب عليه القضاء وهو المختار، كذا في التجنيس والولوالجية، وبه قال عامة المشايخ، كذا في النهاية. (البحر الرائق: ۲/۲۷۲، باب ما يفسد الصوم وما لا يفسده، كوئته).

احسن الفتاوی میں ہے:
ہاتھ سے منی خارج کرنا بہت سخت گناہ ہے، حدیث میں اس پر لعنت وارد ہوئی ہے، اس سے روزہ ٹوٹ جاتا ہے، قضا واجب ہے کفارہ نہیں ۔ (احسن الفتاوی: ٤/٤۴۵، بحوالہ شامی، استمناء بالید) ۔
واللہ سبحانہ و تعالی اعلم