"والدہ کے گھر چلی جا، یہاں تک کہ عقل ٹھیک ہو جائے" کہنے کا حکم:

بشرطِ صحتِ سوال صورتِ مسئولہ میں طلاق واقع نہیں ہوئی ۔ وجہ یہ ہے کہ یہ الفاظ "اپنی والدہ کے گھر چلی جا" کنایہ میں سے ہیں، اور کنایہ کا حکم یہ ہے کہ اگر طلاق دینے کی نیت ہو تو طلاق واقع ہو گی ۔ جب کہ صورتِ مسئولہ میں ما بعد کی عبارت خود طلاق کے مخالف ہے، یعنی "یہاں تک کہ تیری عقل ٹھیک ہو جائے" اس سے معلوم ہوتا ہے کہ مقصود طلاق دینا نہیں تھا، بلکہ کچھ مدت والدہ کے گھر رکھنا مقصود تھا ۔
ملاحظہ ہو ہدایہ میں ہے:

وبقية الكنايات إذا نوى بها الطلاق كانت واحدة بائنة، وإن نوى ثلاثاً كان ثلاثاً

وهذا مثل قوله أنت بائن، وألحقي بأهلك. (الهداية: ۲/۳۷۴. وكذا في الفتاوى الهندية: ۱/۳۷۵).

عالمگیری میں ہے:

الفصل الخامس في الكنايات: لا يقع بها الطلاق إلا بالنية أو بدلالة الحال كذا في الجوهرة النيرة. (الفتاوى الهندية: ۱/۳۷۴).

واللہ سبحانہ و تعالی اعلم