"والدین کے گھر گئی تو تیسری" کہنے کا حکم:

بصورتِ مسئولہ اگر شوہر نے تیسری میں طلاق کی نیت کی تو والدین کے گھر جانے سے تیسری واقع ہو جائے گی، اور اگر ویسے ڈرانے کے لئے یہ لفظ کہا تو طلاق نہیں ہو گی ۔
عالمگیری میں ہے:

امرأة قال لها زوجها: أنت طالق واحدة، فقالت له المرأة: هزار، فقال الزوج: هزار، فهذا على وجهين: إما أن ينوى شيئاً أو لم ينو، ففي الوجه الأول هو على ما نوى، وفي الوجه الثاني لا يقع. (الفتاوى الهندية: ۱/۳۸۱).

اس عبارت سے معلوم ہوا کہ شوہر نے بیوی کے جواب میں ہزار کا لفظ کہا، لیکن جب نیت نہیں کی تو طلاق نہیں ہو گی ۔
دوسری جگہ مذکور ہے کہ شوہر نے بیوی سے کہا: حیلہ زنان کن
يكون إقراراً بالطلاق إذا نوي
۔
(الفتاوى الهندية: ۱/۳۸۶).

یعنی شوہر نے بیوی سے کہا: عورتوں والا حیلہ کرو، بظاہر مطلب یہ ہے کہ حلالہ کی تدبیر کرو، کیوں کہ تین طلاقیں ہوئیں ۔ لیکن جب طلاق کا لفظ نہیں کہا تو نیت پر موقوف ہے، اگر نیت ہو تو طلاق ہے ورنہ نہیں ۔
واللہ سبحانہ و تعالی اعلم