گائے کے تین تھنوں میں دودھ نہ ہو تو قربانی کا حکم:

فقہاء کی عبارات سے معلوم ہوتا ہے کہ اگر گائے کے تھن میں دودھ نہ آئے اور یہ کسی بیماری کی وجہ سے نہ ہو بلکہ ویسے ہی بلا علت دودھ منقطع ہو گیا ہو تو ایسی گائے کی قربانی جائز ہے، لیکن اگر کسی بیماری کے سبب گائے کے دو یا زیادہ تھنوں میں دودھ منقطع ہو گیا تو ایسی گائے کی قربانی ناجائز ہے ۔ بنا بریں صورتِ مسئولہ میں اگر گائے کے تین تھنوں میں بلا کسی علت و بیماری دودھ نہیں آتا تو قربانی درست ہے، اور اگر کسی بیماری کی وجہ سے ایسا ہو تو اس گائے کی قربانی کرنا جائز اور درست نہیں ہے ۔
ملاحظہ ہو خلاصۃ الفتاوی میں ہے:

وفي نظم الزندويستي خمسة عشر من الآفات لا يمنع جواز الأضحية

والتي لا ينزل لها لبن من غير علة. (خلاصة الفتاوى: ٤/۳۲۱، مكتبه رشيديه). (وكذا في لسان الحكام، ص ۳۸۸).
وفي الشامي: وذكر فيها (أي الخلاصة) جواز التي لا ينزل لها لبن من غير علة. (فتاوى الشامي: ٦/۳۲۵، سعيد). (وكذا في الفتاوى الهندية: ۵/۲۹۹).

فتاوی تاتارخانیہ میں ہے:

وفي العتابية: والشطور لا يجزئ وهي من الشاة ما قطع اللبن عن إحدى ضرعها ومن الإبل والبقر إذا انقطع اللبن من ضرعيها لأن لكل واحد منهما أربع أضرع. (الفتاوى التاتارخانية: ۱۷/٤۰۳، مكتبه زكريا). (وكذا في فتاوى الشامي: ٦/۳۲۵، سعيد، والفتاوى الهندية: ۵/۲۹۹).

احسن الفتاوی میں ہے:
گائے کے دو تھن اور بکری کا ایک تھن خراب ہو تو اس کی قربانی جائز نہیں ۔ (احسن الفتاوی: ۷/٤۸۷) ۔
واللہ سبحانہ و تعالی اعلم