ایامِ قربانی میں زندہ جانور صدقہ کرنے کا حکم:

ایامِ اضحیہ میں قربانی کا وجوب ساقط ہونے کے لئے ذبح حیوان ضروری ہے ۔ جانور کے زندہ صدقہ کر دینے سے قربانی ادا نہیں ہو گی، کیوں کہ قربانی ایک مستقل عبادت ہے اور صدقہ اور خیرات علیحدہ ثواب کا کام ہے، اور ظاہر ہے کہ ایک عبادت ادا کرنے سے دوسری مستقل عبادت ادا نہیں ہوتی ۔ اس لئے صدقہ اور خیرات کرنے سے قربانی بھی ادا نہیں ہو گی جیسے صدقہ یا زکوۃ ادا کرنے سے نہ حج ادا ہوتا ہے اور نہ نماز ادا ہوتی ہے ۔ (فتاوی الشامی ٦/ ۳۱۳، ط: سعید) ۔
واللہ سبحانہ و تعالی اعلم