عورت کا عورت کے سامنے سینہ کھولنے کا حکم:

اگر سینہ کھولنے میں شہوت اور فتنہ یا لذت ہو تو نہیں کھولنا چاہیے، ہاں کبھی کبھی کھولنے کی ضرورت پڑتی ہے تو بقدرِ ضرورت کھولنے کی اجازت ہے، اور بلا ضرورت نہیں کھولنا چاہیے، فی زماننا فتنہ و فساد کے غلبہ کی وجہ سے کسی عورت کے سامنے سینہ کھول کر بے حیائی کا مظاہرہ بالکل نہیں کرنا چاہیے ۔
ملاحظہ ہو علامہ ابوبکر کاسانی رحمه الله بدائع الصنائع میں فرماتے ہیں:

وأما الثالث وهو بيان ما يحل من ذلك وما يحرم للمرأة من المرأة

فتنظر المرأة من المرأة إلى سائر جسدها إلا ما بين السرة والركبة لأنه ليس في نظر المرأة إلى المرأة خوف الشهوة والوقوع في الفتنة

حتى لو خافت ذلك تجتنب عن النظر. (بدائع الصنائع: ۵/۱۲٤، سعيد).

مذکورہ بالا عبارت سے پتا چلتا ہے کہ خوفِ فتنہ کی وجہ سے اجتناب کرنا چاہیے، اور آج کل فتنہ فساد کا غلبہ ہے ۔
صاحب ہدایہ رحمه الله فرماتے ہیں:

وتنظر المرأة من المرأة إلى ما يجوز للرجل أن ينظر إليه من الرجل لوجود المجانسة وانعدام الشهوة غالباً

وكذا الضرورة قد تحققت إلى الانكشاف فيما بينهن. (الهداية: ٤/۴۶۱). (وكذا في البحر الرائق: ۸/۲۱۹، ط: بيروت، وتبيين الحقائق: ٦/۱۸، ط: إمداديه ملتان).

صاحب ہدایہ کی عبارت سے بھی پتا چلتا ہے کہ عورتوں کے درمیان سینہ وغیرہ کھولنے کی ضرورت ہے اور فتنہ کا اندیشہ بھی نہیں ہے ہاں اگر ضرورت نہیں ہے اور خوفِ فتنہ بھی ہو تو نہیں کھولنا چاہیے ۔
واللہ سبحانہ و تعالی اعلم