ڈاڑھی کی حدودِ اربعہ و مذاہبِ اربعہ میں اس کا حکم:

واللہ الموفق للصواب:
شریعتِ مطہرہ نے مردوں پر ڈاڑھی رکھنے کو واجب اور لازم قرار دیا ہے، اور اس کی کم از کم حد طولاً و عرضاً ایک مشت ہے، یعنی ڈاڑھی ایک مشت سے کم کرنا نا جائز ہے، یہ ائمہ اربعہ کا متفقہ اور مسلمہ حکم ہے ۔ ایک مشت سے پہلے ڈاڑھی کٹانے والا یا چھوٹی رکھنے والا فاسق و فاجر ہے ۔
ملاحظہ فرمائیں بخاری شریف میں ہے:

عن ابن عمر رضي الله عنه عن النبي ﷺ قال: خالفوا المشركين، وفروا اللحى وأحفوا الشوارب. (رواه البخاري: ۲/۸۷۵، باب تقليم الأظفار، ط: فيصل).

مسلم شریف میں ہے:

عن أبي هريرة رضي الله عنه قال: قال رسول الله ﷺ: جزوا الشوارب وأرخوا اللحى، خالفوا المجوس. (رواه مسلم: ۱/۱۲۹، باب خصال الفطرة، فيصل).

علامہ عینی رحمۃ اللہ علیہ نے لکھا ہے کہ مشرکین کی مخالفت ڈاڑھی بڑھانے میں ہے، اس لیے کہ مشرکین ڈاڑھی کو چھوٹی کرتے تھے ۔
ملاحظہ ہو عمدۃ القاری میں ہے:

لأنهم كانوا يقصرون لحاهم ومنهم من كان يحلقها. (عمدة القاري: ۱۵/۹۰، دار الحديث، ملتان).