اولاد حاصل کرنے کے لیے وظیفہ:

حصولِ اولاد کے لیے اللہ تعالی سے دعا اور ظاہری جسمانی علاج کے ساتھ ساتھ درجِ ذیل عمل مجرب ہے: ۱۔ اس آیتِ کریمہ کو خوب کثرت سے پڑھا کرے:
﴿رب هب لي من لدنك ذرية طيبة، إنك سميع الدعاء﴾ [ آل عمران: ۳۸].

اعمالِ قرآنی میں ہے: جس کو اولاد کی مایوسی ہو گئی ہو، اِس آیت کو پڑھا کرے، خداوند کریم اس آیت کی برکت سے فرزند صالح عطا فرمائے گا، ان شاء اللہ تعالی۔ (اعمالِ قرآنی، ص
۵٤
)۔
۲۔
﴿رب لا تذرني فرداً وأنت خير الوارثين﴾ [الأنبياء: ۸۹]،
روزانہ سو مرتبہ۔ جس کو اولاد سے مایوسی ہو گئی ہو اس آیت کو پڑھا کرے خداوند کریم اس کی برکت سے فرزندِ صالح عطا فرمائیں گے، ان شاء اللہ تعالی۔ (انوارِ شمسیہ، ص
۹٤
، و اعمالِ قرآنی، ص
۵٤
)۔
۳۔
﴿والسماء بنيناها بأيد وإنا لموسعون، والأرض فرشناها فنعم الماهدون﴾ [الذاريات: ٤۷، ٤۸]،

جس کو اولاد سے مایوسی ہو دو انڈے روز جوش کر کے اور پوست یعنی چھلکا دور کر کے ایک پر
﴿والسماء بنيناها بأيد وإنا لموسعون﴾،
اور دوسرے پر
﴿والأرض فرشناها فنعم الماهدون﴾،
لکھے، پہلا بیضہ مرد کھائے اور دوسرا بیضہ عورت کھائے، اسی طرح چالیس روز یہ ترکیب کرے اور اس درمیان میں قربت بھی کرتا جائے، ان شاء اللہ استقرارِ حمل ہوگا۔ (اعمالِ قرآنی،
۵٤
)۔
واللہ سبحانہ و تعالی اعلم