بوقتِ اذان کتوں کا رونا اور شور مچانا:

صحیح احادیث میں آتا ہے کہ جب اذان شروع ہوتی ہے تو شیطان بھاگتا ہے تاکہ اذان کی آواز نہ سنے، اور بعض مرتبہ جانوروں کو شیطان بھاگتا ہوا نظر آتا ہے تو جانور چیخنا چلانا شروع کرتے ہیں۔
ملاحظہ ہو صحیح بخاری شریف میں روایت ہے:

عن أبي هريرة رضي الله عنه قال: قال رسول الله ﷺ: إذا أذن بالصلاة أدبر الشيطان له ضراط حتى لا يسمع التأذين فإذا سكت المؤذن أقبل فإذا ثوب أدبر فإذا سكت أقبل فلا يزال بالمرء يقول له: اذكر ما لم يكن يذكر حتى لا يدري كم صلي. (رواه البخاري، رقم: ۱۲۲۲، باب ما يفكر الرجل في الصلاة).

فتاوی محمودیہ میں مرقوم ہے:
اذان سن کر ایک کتا ہمارے مدرسہ کے سامنے ہمیشہ روتا ہے اور چلاتا ہے، اور جگہ بھی ایسا ہوتا ہے، یہ کوئی پریشانی کی بات نہیں ہے، اذان سن کر شیطان بھاگتا ہے، بعض دفعہ بعض جانوروں کو بھی نظر آتا ہے، اس سے گھبرا کر روتے اور آواز کرتے ہیں۔ (فتاوی محمودیہ:
۵
/
٤٤۳
، جامعہ فاروقیہ)۔
واللہ سبحانہ و تعالی اعلم