پراویڈنٹ فنڈ میں میراث کا حکم:

بصورتِ مسئولہ پر اویڈنٹ فنڈ کی رقم میت کا حق ہے لہذا یہ رقم تمام ورثاء میں حسبِ سہامِ شرعی تقسیم ہو گی۔ کسی کے نامزدکرنے سے وہ شخص اس کا مالک نہیں بنے گا۔
ملاحظہ ہو قاضی مجاہد الاسلام قاسمی صاحب رحمه الله فرماتے ہیں:
پراویڈنٹ فنڈ، لائف انشورنس، کو آپریٹوسوسائٹی جیسے معاملات میں ان کے ضوابط کے مطابق اگر کسی شخص نے اپنی رقم کے لیے دوسرے کو نامزد کر دیاتونامزدشخص خواہ وارث ہو یا غیر وارث، اس کی حیثیت نہ موصی لہ کی ہو گی اور نہ موہوب لہ کی، بلکہ صرف امین کی ہو گی، لہذا نامزد کرنے والے شخص کی جمع کردہ اور وضع شدہ رقم اس کی موت کے بعد حسبِ سہامِ شرعی اس کے وارثوں میں تقسیم ہو گی۔ (مجموعہ قوانین اسلامی، ص
۲۵۵
، دفعہ
۱۰
)۔
پراویڈنٹ فنڈ جبری اور اختیاری دونوں کی تفصیل فتاوی دار العلوم زکریا: ۵/٤٦٤ تا ٤٦٦، پر گزر چکی ہے وہاں ملاحظہ کی جا سکتی ہے۔ نیز میت کے حقوق میں میراث کی وضاحت بھی پنشن فنڈ کے تحت گزر چکی ہے۔
واللہ سبحانہ و تعالی اعلم