نماز کے سلام میں "وبركاته" کے اضافہ کا حکم:

نماز کے سلام میں "
وبركاته "
کے اضافہ کی وجہ سے نماز میں کوئی خلل واقع نہیں ہوگا، نماز صحیح اور درست ہو گی، لیکن عام عادت اور مشہور کے خلاف ہونے کی وجہ سے اس طرح کرنا اچھا نہیں۔
مشہور احادیث میں "
وبركاته "
کا اضافہ نہیں ہے ۔ ملاحظہ ہو : (سنن ابی داود، رقم: ۹۹۸، و سنن الترمذی، رقم: ۲۹۵، و سنن ابن ماجہ، رقم: ۹۱٤، و سنن النسائی، رقم: ۱۱٤۲، و صحیح ابن حبان، رقم: ۱۹۹۰، و صحیح ابن خزیمہ، رقم: ۵۷٦ وغیرہ کتب حدیث)۔
ہاں بعض روایات میں پہلے سلام میں
"وبركاته "
کا اضافہ منقول ہے ۔ ملاحظہ ہو : (سنن ابی داود، رقم: ۹۹۹) لیکن یہ زیادتی خلاف مشہور ہے ۔
فقہاء کی عبارت ملاحظہ فرمائیں:
قال في البحر الرائق: وأنه لا يقول: وبركاته، وصرح النووي رحمه الله بأنه بدعة وليس فيه شيء ثابت لكن في الحاوي القدسي: أنه مروي وتعقب ابن أمير الحاج النووي بأنها جاءت في سنن أبي داود من حديث وائل بن حجر بإسناد صحيح. (البحر الرائق: ۱/۳۳۲، كوئته).
وفي اللباب: ولا يقول: وبركاته، لعدم توارثه، وصرح الحدادي بكراهته. (اللباب: ۱/۷٤، المكتبة العلمية).
وللاستزادة راجع: (حاشية الطحطاوي على مراقي الفلاح، ص ۲۷٤، قديمي، والدر المختار مع رد المحتار: ۱/۵۲٦، سعيد).

واللہ سبحانہ و تعالی اعلم