شکاری جانوروں میں زکوٰۃ کا حکم:

مالِ تجارت پر زکوٰۃ واجب ہوتی ہے اور مالِ تجارت کا مطلب یہ ہے کہ آگے فروخت کرنے کی نیت سے خریدا ہو، اور فارم کے جانور فروخت کے لیے نہیں ہوتے یا تو سیر و سیاحت اور نظارہ کے لیے ہوتے ہیں یا شکار کے لیے ہوتے ہیں اور شکار کے جانوروں کو مالِ تجارت نہیں کہتے بلکہ ان کو قصائی کے جانوروں کی طرح ذبح کرنے کے لیے خریدا گیا ہے ان پر زکوٰۃ نہیں، ہاں شکار کے بعد جو قیمت حاصل ہو اس کو دوسری رقوم کے ساتھ ملا کر سال گزرنے زکوٰۃ ادا کرنی ضروری ہو گی ۔ ملاحظہ ہو صاحب ہدایہ فرماتے ہیں:

وإن اشترى شيئاً ونواه للتجارة كان للتجارة لاتصال النية بالعمل بخلاف ما إذا ورث ونوى التجارة، لأنه لا عمل منه ولو ملكه بالهبة أو بالوصية أو النكاح أو الخلع أو الصلح عن القود ونواه للتجارة كان للتجارة عند أبي يوسف رحمه الله لاقترانها بالعمل وعند محمد لا يصير للتجارة لأنها لم تقارن عمل التجارة وقيل الاختلاف على عكسه. (الهداية: ۱/۱۸۷، كتاب الزكاة، ط: المصباح).

بہشتی زیور میں مرقوم ہے:
جنگلی جانوروں پر جیسے ہرن وغیرہ زکوٰۃ فرض نہیں، ہاں اگر تجارت کی نیت سے خرید کر رکھے جائیں تو ان پر تجارت کی زکوٰۃ فرض ہو گی ۔ (بہشتی زیور، گیارہواں حصہ، ص ۱۱۱، ط: المکتبۃ المدنیۃ) ۔
واللہ سبحانہ و تعالی اعلم