سوتیلے ماموں سے نکاح کرنے کا حکم:

بصورتِ مسئولہ سوتیلی والدہ کا بھائی اس لڑکی کا حقیقی ماموں نہیں ہے اس وجہ سے نکاح جائز اور درست ہے ۔ بظاہر عدمِ جوازِ نکاح کی کوئی وجہ نہیں ہے ۔

قال الله تعالى: ﴿وأحل لكم ما وراء ذلكم﴾ [النساء: ۲٤].

ملاحظہ ہو فتاوی دار العلوم دیوبند میں ہے:
سوال: ایک شخص کی دو زوجہ ہیں اور زوجہ اول سے تین لڑکیاں ہیں، اور زوجہ ثانی لا ولد ہے اب زوجہ ثانی کے ایک حقیقی بھائی سے زوجہ اول کی کسی لڑکی کا نکاح درست ہے یا نہیں؟
الجواب: زوجہ ثانیہ کے بھائی کا نکاح زوجہ اولی کی کسی دختر سے درست ہے، اس میں کوئی وجہ حرمت نکاح کی نہیں ہے ۔ (فتاوی دار العلوم دیوبند: ۷/۱۹٦، مکمل و مدلل، ط: دار الاشاعت) ۔
کفایت المفتی میں مذکور ہے: پہلی بیوی کے بطن سے جو لڑکی ہو اس کا نکاح دوسری بیوی کے بھائی سے کرنا جائز ہے:
قال الله تعالى: ﴿وأحل لكم ما وراء ذلكم﴾ أي ما عدا من ذكرن من المحارم هن لكم حلال. تفسير ابن كثير: ۲/۲۵۸.
(کفایت المفتی: ٦/۵٤۱، جامعہ فاروقیہ) ۔
واللہ سبحانہ و تعالی اعلم