میدان میں کھیلنے کے لیے فیس ادا کرنے اور اس پر انعام حاصل کرنے کا حکم:

بصورتِ مسئولہ یہ معاملہ جائز اور درست ہے کیوں کہ جو پیسے بطورِ فیس ادا کیے اس کے عوض میدان میں کھیلنے کا حق مل گیا اور دوسری سہولیات مل گئیں، پھر کامیاب ہونے والی جماعت کو کمیٹی اپنی طرف سے انعام دے تو یہ درست ہے کیوں کہ پیسوں میں کسی کا حق نہیں لہٰذا یہ ابتدائی تبرع ہے ۔
نیز اس کی مثال وہ صورت بھی ہے کہ سب لوگ تبرعاً کھانا لا کر جمع کر کے ساتھ کھا لیں جس میں کوئی زیادہ کھاتا ہے کوئی کم کھاتا ہے جب کہ کسی کو کھانے کی رغبت ہی نہیں ہوتی تو درست ہے ۔
ملاحظہ ہو حدیث شریف میں ہے:

عن أبي موسي قال: قال النبي ﷺ: إن الأشعريين إذا أرملوا في الغزو أو قل طعام عيالهم بالمدينة جمعوا ما كان عندهم في ثوب واحد ثم اقتسموه بينهم في إناء واحد بالسوية فهم مني وأنا منهم. (صحيح البخاري رقم: ۲٤۸٦).
قال الشيخ ابن بطال البكري: وإنما يأكل كل واحد على قدر نهمته، وقد يأكل الرجل أكثر من غيره، وهذه القسمة موضوعة بالمعروف، وعلى طريقة بين الآكلين. (شرح صحيح البخاري: ۷/۷).
قال في الهندية: المسافرون إذا خلطوا أزوادهم أو أخرج كل واحد منهم درهماً على عدد الرفقة واشتروا به طعاماً وأكلوا فإنه يجوز وإن تفاوتوا في الأكل كذا في الوجيز للكردري، والله أعلم. (الفتاوى الهندية: ۵/۳٤۲).

واللہ سبحانہ و تعالی اعلم