طلبہ سے سزا کے طور پر نماز پڑھوانا:

مدارس میں طلبہ سے سزا کے طور پر نماز پڑھوانا درست ہے اس میں کوئی حرج نہیں ہے نیز نماز کا ثواب بھی اس کو ملے گا جیسا کہ نبی پاک ﷺ نے کسرِ شہوت کے لیے روزہ رکھنے کو فرمایا تو اس میں روزہ کا ثواب بھی ہے اور کسرِ شہوت بھی ہے ۔ ملاحظہ ہو حدیث شریف میں ہے:

عن عبد الله بن مسعود رضي الله عنه قال: قال رسول الله ﷺ يا معشر الشباب من استطاع منكم الباءة فليتزوج فإنه أغض للبصر وأحصن للفرج ومن لم يستطع ف عليه بالصوم فإنه له وجاء. (بخاري شريف: ۲/۷٥۸. ومشكاة: ۲/۲٦۷)

ظاہر ہے کہ یہ روزہ براہِ راست رضاءِ الٰہی کے لیے نہیں بلکہ زنا سے بچنے کے لیے کسرِ شہوت ہے یہاں بھی نماز پڑھوانا نفس کو سزا دینے اور مدرسہ کے احکام بجا لانے کے لیے ہے ۔
واللہ سبحانہ و تعالی اعلم