نماز ِ جنازہ کے بعد اجتماعی دعا کا حکم:

نمازِ جنازہ کے بعد کوئی دعا منقول نہیں ہے بلکہ اجتماعی جہری دعا کو فقہاء نے مکروہ قرار دیا ہے ۔ ملاحظہ ہو عالمگیری میں ہے:

كره أن يقوم رجل بعد ما اجتمع القوم للصلاة ويدعو للميت ويرفع صوته. (الفتاوى الهندية: ٥/۳۱۹، الباب الرابع في الصلاة والتسبيح)

فتاوی محمودیہ میں ہے:
فقہاء نے نماز ِ جنازہ سے فارغ ہو کر بعد سلام میت کے لیے مستقلاً کھڑے ہو کر اجتماعی دعا کرنے سے منع فرمایا ہے، فقہ حنفی کی معتبر کتاب خلاصۃ الفتاوی میں اس کو منع کیا ہے ۔
لا يقوم بالدعاء بعد صلاة الجنازة. خلاصة الفتاوى: ۱/۲۲٥، الفصل الخامس العشرون في الجنائز، رشيديه. (
فتاوی محمودیہ: ۸/۷۱۰، مبوب و مرتب) ۔
واللہ سبحانہ و تعالی اعلم