زکوٰۃ کی رقم حیلۂ تملیک کے بعد مدرسہ کی دیگر ضروریات میں خرچ کرنے کا حکم:

زکوٰۃ کو للہ میں تبدیل کرنے کا حیلہ بغیر ضرورتِ شدید ہ کے جائز نہیں ہے، اگر زکوٰۃ میں ہم حیلے کرتے رہیں گے تو زکوٰۃ کا مقصد ہی ختم ہو جائے گا، ہاں بغیر تدبیر اور حیلہ کے مدرسہ چلانے کے لئے ایک کام کر سکتے ہیں، وہ یہ ہے کہ طلبہ پر فیس مقرر کریں اور غریب طلبہ کو زکوٰۃ کی رقم مثلاً ۵۰۰، دے دیں پھر مدرسہ چلانے اور کھانے اور تعلیم وغیرہ کے لئے ان سے مثلاً ٤۰۰، رینڈ وصول کر لیں ایک صاحب دے دیں اور دوسرا یا وہی دوسری جگہ وصول کر لیں ۔ پھر وصول شدہ رقم ٹیپ وغیرہ کسی بھی کام میں خرچ کر سکتے ہیں، ہاں باہر کے لوگوں کو نہیں دے سکتے کیوں کہ مدرسہ کا مال مدرسہ ہی میں خرچ ہونا چاہیے ہونا چاہیے ۔
واللہ سبحانہ و تعالی اعلم