بجبر و آ کراہ تحریری طلاق کا حکم:

طلاق بالکتابت میں شرعاً شوہر کی رضامندی سے طلاق واقع ہوتی ہے، یعنی شوہر نے از خود اپنی رضامندی سے طلاق نامہ لکھایا اس نے برضا و رغبت طلاق نامہ پر دستخط کر دی، لیکن بجبر و آ کراہ طلاق نامہ لکھوانے یا طلاق نامہ پر جبراً دستخط کرا لینے سے طلاق واقع نہیں ہوتی، لہذا بصورتِ مسئولہ اگر شوہر نے زبان سے کچھ نہیں کہا تو طلاق واقع نہیں ہوئی ۔
ملاحظہ فرمائیں شامی میں ہے:

وفي البحر:

فلو أكره على أن يكتب طلاق امرأته فكتب لا تطلق. (فتاوى الشامي: ۳/۲۳٦، مطلب في الإكراه على التوكيل

، سعيد).

فتاوی قاضيخان میں ہے:

رجل أكره بالضرب والحبس على أن يكتب طلاق امرأته فلانة بنت فلان بن فلان فكتب امرأته فلانة بنت فلان بن فلان طالق لا تطلق امرأته. (فتاوى قاضيخان على هامش الهندية: ۱/٤۷۳، الطلاق بالكتابة).

فتاوی تاتارخانیہ میں ہے:

وفي الظهيرية: رجل أكره بالضرب والحبس على أن يكتب طلاق امرأته فكتب فلانة بنت فلانة امرأته طالق، وفي الحاوي: ولم يعبر بلسانه لا تطلق. (الفتاوى التاتارخانية: ۳/۳۸۰، إيقاع الطلاق بالكتابة).

فتاوی دار العلوم دیوبند میں ہے:
بجبر طلاق نامہ پر دستخط کرا لینے سے جب کہ زبان سے طلاق نہیں دی، اور نہ خولکھی، طلاق واقع نہیں ہوئی ۔ (فتاوی دار العلوم دیوبند: ۹ /۱۵٤، مدلل مکمل) ۔
کتاب الفتاوی میں ہے: پولیس کی دھمکی بھی "آ کراہ" میں داخل ہے ۔ (کتاب الفتاویٰ: ۵/۹۰) ۔
مزید ملاحظہ فرمائیں: (مجموعہ قوانین اسلامی: ۱۳۵، دفعہ ٦ ۔ و امداد المفتین: جلد دوم: ٦۳۵، دار الاشاعت ۔ و کتاب الفتاویٰ: ۵/۱۰۲) ۔
واللہ سبحانہ و تعالی اعلم