نذر ذبح مع تقسیم لحم کی منت میں تصدق بالقیمۃ کا حکم:

اگر نذر ذبحِ حیوان کی تھی تو ذبح ہی واجب ہے، تصدقِ قیمت کافی نہیں، اور اگر ذبح کی نیت نہ تھی تو تصدقِ قیمت بھی کافی ہے ۔ (امداد الاحکام ۳/۴۲) ۔
اور حضرت مفتی رشید احمد لدھیانوی رحمه الله نے جائز فرمایا ہے ۔ عبارت ملاحظہ ہو:
اضحیہ کے سوا نذرِ ذبح سے نذرِ تصدق لحم مقصود ہے، ورنہ نفسِ ذبح کی نذر صحیح نہیں، اس لئے کہ اضحیہ کے سوا ذبحِ حیوان عبادتِ مقصودہ نہیں جب ذبح مقصود نہیں بلکہ تصدقِ لحم مقصود ہے تو اس سے ثابت ہوا کہ ذبح حیوان واجب نہیں، بلکہ اختیار ہے چاہے یہ بکرا ذبح کر کے گوشت صدقہ کرے، یا بکرا زندہ صدقہ کر دے، یا اس کی قیمت صدقہ کر دے، یا قیمت کے برابر کوئی دوسری چیز ۔

قال في شرح التنوير: نذر أن يتصدق بعشرة دراهم من الخبز فتصدق بغيره جاز إن ساوي العشرة كتصدقه بثمنه. (رد المحتار ۳/۷۲).
(احسن الفتاوی: ۵/۴۸۳) ۔
اب یہ شخص حیران ہے اور سوچ رہا ہے کہ بکری کی جگہ اس کی قیمت دے سکتا ہوں یا نہیں؟
الجواب: فتاوی بزازیہ کی عبارت سے معلوم ہوتا ہے کہ بکری کو ذبح کرنا چاہیے، اس لئے حضرت مولانا ظفر احمد عثمانی رحمه الله کے فتوے پر عمل ہونا چاہیے اور اس میں احتیاط بھی ہے ۔ اور فراغ ذمہ یقینی ہے ۔ نیز اراقتِ دم ایامِ قربانی کے علاوہ عبادت نہیں، لیکن اس کی جنس میں قربانی لازم ہے، اور جب اس کے ساتھ تصدقِ لحم مقصود ہو تو وہ عبادت بن گئی ۔
فتاوی بزازیہ کی عبارت ملاحظہ فرمائیں:

قال: إن برئت من مرضي هذا ذبحت شاة أو على شاة أذبحها فصح لا يلزمه شيء ولو قال: على شاة أذبحها وأتصدق بلحمها لزمه. لله على أن أذبح جزوراً وأتصدق بلحمه يذبح مكانه سبع شياه. لزمه إراقة شاتين وسطين فذبح شاة سمينة تعدل وسطين لا يجزئه، لأن المقصود الإراقة والتصدق باللحم، والسمينة وإن عادلتهما في اللحم لا تعادلهما في الإراقة. (الفتاوى البزازية على هامش الهندية: ٤/۲۷۱).

واللہ سبحانہ و تعالی اعلم