مسجد میں مؤذن کی جگہ متعین کرنے کا حکم:

حضرت مفتی رشید احمد لدھیانوی رحمہ اللہ اس کو درست نہیں سمجھتے ۔
احسن الفتاوی میں ہے:
یہی حکم مؤذن کا ہے اس کے لیے جگہ مخصوص کرنے اور الگ مصلیٰ بچھانے کی رسم صحیح نہیں مسجد میں پہنچ کر جو شخص جس جگہ بیٹھ جائے وہی حقدار ہے ۔ (احسن الفتاویٰ:
٦
/
٤۵۷
) ۔
جب کہ مولانا فتح محمد صاحب تلمیذ مولانا عبد الحی لکھنوی رحمه الله اس کو صحیح سمجھتے ہیں ۔
حلال حرام کے احکام المعروف بعطر الہدایہ میں ہے:
(
۲
) مباح الانتفاع یہ مال وقف کے حکم میں ہے جیسے مساجد، بعض کنویں، پل، راستے وغیرہ ان میں بعض ضروری چیزوں کے لحاظ کے ساتھ عام لوگوں کا حق ہوتا ہے، مثلاً مسجد میں ہر شخص کو صفِ اول میں نماز پڑھنے کا حق ہے مگر امام خطیب یا مکبر یا مؤذن کی خصوصیات کا لحاظ ضروری ہے ۔ (حلال حرام کے احکام، ص
۳۱٦
، مباحات کا بیان) ۔
نیز
"ليلني منكم أولوا الأحلام"
سے بھی معلوم ہوتا ہے کہ امام کے قرب میں بعض خاص لوگ بیٹھنے کے زیادہ حقدار ہیں ۔
واللہ سبحانہ و تعالی اعلم

ـــــ

فصل دوم
آدابِ مساجد کا بیان