مطبخِ مدرسہ سے کھانا لے جانے کا حکم:

ان تمام کا تعلق امورِ انتظامیہ کے ساتھ ہے اور مدرسہ کا نظام یہ ہے کہ طلبہ ایک ساتھ بیٹھ کر مطبخ میں کھانا کھا لیں اور عام طور پر دفتر اہتمام کی طرف سے کمروں میں لے جانے کی اجازت نہیں ہوتی، ہاں اگر بیمار ہے یا کوئی اور عذر ہے تو دفتر اہتمام سے پرچی حاصل کر کے کمرے میں کھانا لا سکتے ہیں، لیکن اگر پرچی لینا مشکل ہے مثلاً دفتر بند ہے یا کوئی اور عذر ہے تو مطبخ کے ذمہ دار حضرات کی اجازت سے لے جا سکتے ہیں، نیز اگر کسی طالب علم نے کھانا نہیں کھایا اور مطبخ والوں کی اجازت سے صرف بریڈ اپنے حصہ کے بقدر لے لی جائے تو گنجائش ہے ۔ بہرحال حتی الامکان قوانینِ مدرسہ کی پابندی ہر طالبِ علم کے لیے بے حد ضروری ہے کیوں کہ قوانین پر دستخط کر کے خود اس نے عہد و پیمان لیا ہے، اور عہد و پیمان و شروط کی رعایت احادیثِ طیبہ سے ثابت ہے بخاری شریف کی روایت ہے آنحضرت ﷺ نے ارشاد فرمایا:
"المسلمون عند شروطهم"
نیز عملی لائن میں بھی آنحضرت صلی اللہ علیہ و سلم نے صلح حدیبیہ کے موقع پر پابندی فرمائی اور صحابہ ث کو بھی اس کی تلقین فرمائی ۔
واللہ سبحانہ و تعالی اعلم