ایک شیخ سے بیعت کرنے کے بعد دوسرے شیخ سے بیعت کرنا :

نہ پہلے شیخ سے لا زم ہے اور نہ دوسرے شیخ سے لہذا دوسرے کی طرف رجوع کر سکتا ہے اور دوسرے شیخ کی طرف رجوع کرنے کی چند وجوہات ہو سکتی ہے مثلاً اگر شیخ اول کو غیر متبع شرع پاوے یا انتقال ہو جاوے یا شیخ تو کا مل ہے لیکن کسی وجہ سے اس کو فائدہ نہیں ہو رہا ہے تو رجوع کرنا درست ہے ہاں بلا وجہ رجوع کرنا اچھا نہیں ہے ۔

تنقيح الفتاوى الحامدية
میں ہے:

سوال: رجل من الصوفية أخذ العهد على رجل ثم اختار الرجل شيخاً آخر وأخذ عليه العهد فهل العهد الاول لا زم أم الثاني؟
جواب: لا يلزمه العهد الاول ولا الثاني ولا أصل لذلك. (تنقيح الفتاوى الحامدية: ۲/۳٦۹).

کفایت المفتی میں ہے:
کسی دوسرے سے اس وقت بیعت کرنا مناسب نہیں جب کہ پہلے سے بیعت ہو جاوے اور باوجود اس سے فائدہ پہنچنے کے دوسرے سے بیعت کی جائے ۔ (کفایت المفتی:
۲
/
۱۰۳
) ۔
فتاوی فریدیہ میں ہے:
فقہا اور صوفیہ کے نزدیک دوسری جگہ بیعت کرنا ممنوع نہیں ہے ۔

قال الشيخ محمد بن عبد الله النقشبندي: وجوزوا التعدد، بل في حياة الشيخ الأول إذا رأى الطالب رشده في موضع آخر يجوز له من غير إنكار لشيخه الأول أن يذهب إليه ويأخذ عليه ويتخذه شيخاً ثانياً فيجوز استفادة التعليم والصحبة مع مشايخ متعددة وينبغي أن يعلم أن الشيخ هو الذي يدل المريد على الحق تعالى وأكثر ما يلاحظ هذا المعنى وأوضح في تعليم الطريقة وشيخ التعليم أستاذ الشريعة ودليل الطريقة الخ. (
فتاوی فریدیہ:
۱
/
۳۷٤
، مع الحاشیہ) ۔
شریعت و طریقت میں حضرت مولانا اشرف علی تھانوی رحمہ اللہ رقم طراز ہیں:
اگر کوئی شخص ایک شیخ کی خدمت میں خوش اعتقادی کے ساتھ ایک معتد بہ مدت تک ر ہے مگر اس کی صحبت میں کچھ تاثیر نہ پائے تو اسے چاہیے کہ دوسری جگہ اپنا مقصود تلاش کرے کیونکہ مقصود خدا تعالی ہے نہ کہ شیخ لیکن شیخ اول سے بد اعتقاد نہ ہو ممکن ہے کہ وہ کا مل مکمل ہو مگر اس کا حصہ وہاں نہ تھا اسی طرح شیخ کا انتقال قبل حصول مقصود کے ہو جائے یا ملاقات کی امید نہ ہو جب بھی دوسری جگہ تلاش کرے اور یہ خیال نہ کر ے کہ قبر سے فیض لینا کا فی ہے دوسرے شیخ کی کیا ضرورت ہے کیونکہ قبر سے فیض تعلیم نہیں ہو سکتا البتہ صاحبِ نسبت کو احوال کی ترقی ہوتی ہے سو یہ شخص ابھی محتاجِ تعلیم ہے ورنہ کسی کو بھی بیعت کی ضرورت نہ ہوتی لاکھوں قبریں کا ملین بلکہ انبیاء کی موجود ہیں اور بلا ضرورت محض ہو سنا کی سے کئی کئی جگہ بیعت کرنا بہت برا ہے اس سے بیعت کی برکت جاتی رہتی ہے اور شیخ کا قلب مکدر ہو جاتا ہے اور نسبت قطع ہونے کا اندیشہ ہوتا ہے اور ہرجائی مشہور ہو جاتا ہے ۔ (شریعت و طریقت ص
٤۹۰
) ۔