عشق و محبت کے ہدایا کا حکم:

ناجائز تعلقات میں ایک دوسرے کو ہدایا پیش کرنا رشوت کے حکم میں ہے اس کا قبول کرنا درست نہیں ہے، اس سے ملکیت بھی ثابت نہیں ہوتی، اور دینے والے کو واپس مطالبہ کا حق رہتا ہے ۔ ہاں توبہ کرنے کے بعد اگر اس کا مطالبہ ترک کر دے اور معاف کر دیں تو کوئی حرج نہیں ۔
ملاحظہ ہو علامہ ابن نجیم مصری رحمه الله فرماتے ہیں:

وفيها (القنية) ما يدفعه المتعاشقان رشوة يجب ردها ولا يملك. (البحر الرائق: ٦/۲۸٦، كتاب الهبة، كوئته).

عالمگیری میں ہے:

المتعاشقان يدفع كل واحد منهما لصاحبه أشياء فهي رشوة لا يثبت الملك فيها وللدافع استردادها. (الفتاوى الهندية: ٤/٤۰۳، الباب الحادي عشر في المتفرقات).
(وكذا في مجمع الضمانات: ۲/۹۳۸).

واللہ سبحانہ و تعالی اعلم