عورت کے لیے مہندی لگانا واجب نہیں:

عورت کے لیے مہندی سے ہاتھ کا خضاب کرنا مستحب ہے واجب اور لازم نہیں ہے، اور نہ لگانا کوئی عیب کی بات بھی نہیں ہے، اور مذکورہ بالا روایت ضعیف ہے، آنحضرت ﷺ کی شان سے بعید ہے کہ خضاب نہ لگانے پر بیعت سے انکار فرما دے بلکہ خضاب لگانا مطلوب ہوتا تو اسی پر بیعت فرماتے، پھر حقیقت یہ ہے کہ حضور ﷺ نے عورتوں کے ساتھ قولی بیعت فرمائی ہاتھ ملانا ثابت نہیں ہے ۔
احادیث کی تحقیق ما قبل میں گزر چکی ہے ۔
بعض محدثین نے فرمایا کہ حنا کے بارے میں کوئی روایت صحیح سند سے ثابت نہیں ہے ۔ ملاحظہ کیجیے:

قال في الجامع الصغير: وقال في المعارضة: أحاديث الحناء كلها ضعيفة أو مجهولة. (الجامع الصغير، رقم: ۷٤۸۵). (وكذا في الآثار المرفوعة، ص ۱۰۲، والأسرار المرفوعة، ص ٤۸٦، والمنار المنيف، ص ۱۳۱).