پیروں پر مہندی لگانے کا حکم:

عورتوں کے لیے پیروں پر مہندی لگانا جائز اور درست ہے، یہ کوئی ہندوانہ رسم نہیں ہے اور نہ ہندوؤں کے ساتھ خاص ہے بلکہ زیب و زینت کے قبیل سے ہے اور عورتوں کو اس کی اجازت ہے ۔
ملا علی قاری رحمه الله مرقاۃ شرح مشکوۃ میں تحریر فرماتے ہیں:

وأما خضب اليدين والرجلين فيستحب في حق النساء ويحرم في حق الرجال إلا للتداوي. (مرقاة المفاتيح: ۸/۳۰٤، مكتبة إمداديه).
وفي الجوهرة النيرة: ويكره للإنسان أن يخضب يديه ورجليه بالحناء وكذلك الصبي ولا بأس به للنساء. (الجوهرة النيرة، ص ۳۸۳، مكتبه إمداديه).
(وكذا في فتاوى الشامي: ٦/۳٦۲، فصل في اللبس، سعيد).

کتاب الفتاوی میں ہے:
شریعت نے عورتوں کو اجازت دی ہے کہ وہ زیبائش و آرائش کی جگہ جیسے ہاتھ، پیر، گلا، سینہ وغیرہ میں زینت اختیار کریں، لہذا پاؤں میں مہندی لگانا درست ہے اور اسے نہ تو سنت کہیں گے اور نہ بدعت بلکہ مباح، یعنی یہ امور ان میں سے ہیں جنہیں اختیار کرنا جائز ہے ۔ (کتاب الفتاوی: ٦/۸۷) ۔
واللہ سبحانہ و تعالی اعلم