ایکسیڈنٹ کے حادثہ میں مرنے پر کفارہ کا حکم:

بصورت مسئولہ یہ شخص کفارہ بالصوم ادا کرے گا، اس پر غلام آزاد کرنا ضروری نہیں ہے، فقہاء نے ایسی بہت سی مثالیں بیان کی ہیں کہ جب آدمی کو بہ آسانی قریب میں غلام میسر نہ ہو یا غلام موجود ہو مگر کسی وجہ سے دستیاب نہ ہو تو کفارہ بالصوم ادا کرنا درست ادا کرنا درست ہے، مثلاً: آزاد آدمی پر اس کی سفاہت کی وجہ سے پابندی لگائی ہو اور مال اس کے قبضہ میں نہ ہو تو وہ شخص کفارہ بالصوم ادا کر دے۔ ہدایہ، شامی وغیرہ میں ہے کہ اگر کوئی مسافر ہے اس کے پاس مال نہیں ہے اور کفارہ لازم ہوا، تو وہ کفارہ بالصوم ادا کرے، (شامی: ۳/٤۷۸، سعید)۔
اسی طرح ایک شخص مالدار ہے لیکن اس سے بہت ساروں نے بطورِ قرض پیسے وصول کیے ہیں یا اس سے کسی نے غصب کر لیے ہیں تو بھی کفارہ بالصوم ادا کرے۔ (کفایہ: ۸/۱۹۹)۔
نیز اگر کسی کے پاس پیسے ہیں لیکن قرض کی ادائیگی میں جانے والے ہیں اور باقی ماندہ رقم سے غلام نہیں خرید سکتے ہیں تو اس شخص پر غلام خرید کر آزاد کرنا لازم نہیں بلکہ کفارہ بالصوم ادا کر دے۔ (در مختار، و شامی)۔

قال في الهداية: وهذ ا (أي جواز إنفاق المحجور ماله في حقوق الله) بخلاف ما إذا حلف أو نذر أو ظاهر حيث لا يلزمه المال، بل يكفر يمينه وظهاره بالصوم لأنه مما يجب بفعله. (الهداية: ۳/۳۵٦، ۳۵۷).
وفي الكفاية: قوله بل يكفر يمينه وظهاره بالصوم، لأن يده مقصورة عن ماله فهو بمنزلة ابن السبيل المنقطع عن ماله، وبمنزلة من يكون له دين على إنسان، أو غصب غاصب من يده وهو ما كان يعطيه فله أن يكفر بالصوم. (الكفاية على هامش فتح القدير: ۸/۱۹۹، مكتبه رشيديه، كوئته).
وفي الدر المختار: والعبد

وكذا الحر المحجور عليه بالسفه على المعتمد لا يجزئه إلا الصوم. (الدر المختار: ۳/٤۷۸، سعيد).

خلاصہ یہ ہوا کہ آدمی اگر حقیقتاً یا حکماً غلام آزاد کرنے پر قادر نہ ہو تو کفارہ بالصوم ادا کرنا درست ادا کرنا درست ہے۔
واللہ سبحانہ و تعالی اعلم