شیخین کو سلام پہنچانے کا حکم:

بصورتِ مسئولہ حرمین شریفین کے زائر کو یہ کہنا درست ہے کہ شیخین یعنی حضرت ابوبکر صدیق رضی اللہ تعالی عنہ اور حضرت عمر فاروق رضی اللہ تعالی عنہ کو ہماری طرف سے سلام کہ دینا، اور زائر کا سلام پہنچانا بھی جائز اور درست ہے۔ ملاحظہ ہو غنیۃ الناسک میں مذکور ہے:

ثم يتأخر كذلك قدر ذراع فيسلم على عمر رضي الله عنه لأن رأسه من الصديق من النبي ﷺ، فيقول: السلام عليك يا أمير المؤمنين

ويزيد عليه وينقص إن ضاق الوقت ويبلغ سلام من أوصاه به. (غنية الناسك في بغية المناسك، ص ۲۰۵).

جواہر الفقہ میں جہاں شیخین کو سلام کرنے کا تذکرہ کیا ہے وہاں لکھا ہے کہ: جس نے کہہ دیا ہو اس کا سلام پہنچا دے۔ (جواہر الفقہ:
٤
/
۱۷۵
)۔
عمدۃ الفقہ میں ہے: اگر وقت تنگ ہو یا اس قدر یاد نہ ہو تو ان دونوں حضرات کے سلام کے الفاظ میں کمی کر سکتا ہے اور وقت ہو اور دیگر الفاظ یا دہوں تو زیادہ بھی کر سکتا ہے، اور اگر کسی نے سلام پہنچانے کے لیے کہا ہو تو اس کا سلام بھی دونوں حضرات کو پہنچا دے۔ (عمدۃ الفقہ:
٤
/
۲۹۵
، و کذا فی فضائل و مسائل حج، لمفتی رشید احمد قاسمی، ص
۸٦
)۔
واللہ سبحانہ و تعالی اعلم