سگریٹ نوشی کرنے والے کی امامت کا حکم:

شریعت کی نگاہ میں سگریٹ نوشی ایک قبیح اور ناپسندیدہ چیز ہے اور اس کا پینا مکروہ ہے اس کا ضرر دین و دینا دونوں کو حاوی ہے، ملائکہ کو اس سے اذیت ہوتی ہے اور ایک عالم کی شان کے بالکل خلاف ہے، بایں وجہ عالم کو اس عادتِ قبیحہ سے سچی توبہ کر کے چھوڑ دینا چاہیے، باقی سگریٹ نوشی کرنے والے کی امامت مکروہ ہے ہاں اس کے پیچھے نماز ہو جائے گی، لیکن مستقل امام بناناکراہت سے خالی نہیں ۔
سگریٹ نوشی میں تضییع مال اور اسراف بھی پایا جاتا ہے، اور یہ ممنوع ہے ۔ ملاحظہ ہو :

قال الله تعالى: ﴿وكلوا واشربوا ولا تسرفوا﴾ [الأعراف: ۳۱].
وقال تعالى: ﴿ولا تبذر تبذيراً، إن المبذرين كانوا إخوان الشياطين وكان الشيطان لربه كفوراً﴾ [الإسراء: ۲٦، ۲۷].
وقال تعالى: ﴿ولا تلقوا بأيديكم إلى التهلكة﴾ [البقرة: ۱۹۵].
قال رسول الله ﷺ: إن الله حرم عليكم عقوق الأمهات ومنعاً وهات ووأد البنات وكره لكم قيل وقال وكثرة السؤال وإضاعة المال. (رواه البخاري: ۲/۵۹۷۵).

فتاوی محمودیہ میں مرقوم ہے:
جو امام تمباکو کو پیتا ہے اس کے پیچھے بھی نماز درست ہے، لیکن بدبو دار منہ لے کر مسجد میں آنا مکروہِ تحریمی ہے، اس لیے وضو میں مسواک سے منہ خوب صاف کر کے مسجد میں آئے ورنہ فرشتوں کو بھی اذیت ہو گی ۔ (فتاوی محمودیہ: ٦/۸۳، جامعہ فاروقیہ) ۔
مزید تفصیل کے لیے ملاحظہ ہو : (فتاوی دار العلوم زکریا: ۵/۱۳٤) ۔
واللہ سبحانہ و تعالی اعلم