ایصالِ ثواب میں عمل کے بعد نیت کرنے کا حکم:

ایصالِ ثواب کے لیے بہ وقتِ عمل نیت کرنا ضروری نہیں بلکہ عمل کرنے کے بعد بھی ایصالِ ثواب کی نیت کر سکتے ہیں ۔ ملاحظہ ہو فتاوی شامی میں ہے:

والظاهر أنه لا فرق بين أن ينوي به عند الفعل للغير أو يفعله لنفسه بعد ذلك يجعل ثوابه لغيره لإطلاق كلامهم، وأنه لا فرق بين الفرض والنفل. (فتاوى الشامي: ۲/۲٤۳، سعيد).

البحر الرائق میں مرقوم ہے:

لا فرق بين أن ينوي به عند الفعل للغير أو يفعله لنفسه ثم بعد ذلك يجعل ثوابه لغيره لإطلاق كلامه. (البحر الرائق: ۳/٦٤، دار المعرفة).

فتاوی محمودیہ میں مذکور ہے:
اگر نیک عمل، تلاوتِ قرآنِ پاک، نوافل، خیرات اس نیت سے کیا جائے کہ اللہ تعالی اس کا ثواب فلاں کو پہنچا دے تب بھی کافی ہے، اگر بغیر اس نیت کے کیا جائے تو بعد میں یہ دعا کرے کہ یا اللہ اس کا ثواب فلاں کو پہنچا دے ۔ (فتاوی محمودیہ: ۹/۲۰۳، جامعہ فاروقیہ) ۔
واللہ سبحانہ و تعالی اعلم