شہید کے دَین کی معافی کا حکم:

شہید کے تمام گناہ جو حقوق اللہ سے متعلق ہیں معاف ہو جاتے ہیں، ہاں جو حقوق العباد سے متعلق ہیں، مثلاً دین وغیرہ تو ان کی ادائیگی ضروری ہے، الا یہ کہ ادا نہ کر سکتا ہو تو اللہ تعالی صاحب حق کو اس کی طرف سے راضی کر دیں گے ۔ ملاحظہ ہو مسلم شریف کی حدیث میں ہے:

عن عبد الله بن عمرو بن العاص رضي الله عنه أن رسول الله ﷺ قال: يغفر للشهيد كل ذنب إلا الدين. (صحيح مسلم: ۲/۱۳۵، باب من قتل في سبيل الله كفرت خطاياه إلا الدين).

امام نووی رحمه الله حدیثِ بالا کی شرح کرتے ہوے فرماتے ہیں:

وأما قوله ﷺ: إلا الدين، ففيه تنبيه على جميع حقوق الآدميين وإن الجهاد والشهادة وغيرهما من أعمال البر لا يكفر حقوق الآدميين وإنما يكفر حقوق الله تعالى. (شرح صحيح مسلم بهامش صحيح مسلم: ۲/۱۳۵، ط: قديمي).
قال الملا علي القاري رحمه الله: يغفر للشهيد كل ذنب، أي صغير وكبير، إلا الدَين أراد حقوق الآدميين من الأموال والدماء والأعراض فإنها لا تعفى بالشهادة كذا ذكره بعض الشراح. (مرقاة المفاتيح: ٦/۱۰۳، ط: إمداديه).

کتاب الفتاوی میں مرقوم ہے:
شہادت کی وجہ سے امید ہے کہ حقوق اللہ سے متعلق گناہ معاف ہو جائیں گے، لیکن بندوں سے متعلق جو حقوق ہیں وہ شہادت یا کسی اور نیکی کی وجہ سے معاف نہیں ہوتے، دَین بھی ایسے ہی حقوق میں سے ہے، چنانچہ حدیث میں یہ بات صراحتاً معلوم ہوتی ہے کہ شہادت کے باوجود انسان دین کی ذمہ داری سے بری الذمہ نہیں ہوتا ۔ (کتاب الفتاوی: ۳/۲٤۲) ۔
واللہ سبحانہ و تعالی اعلم