زمین خریدنے کے بعد پتا چلا کہ قابل تعمیر نہیں تو واپس کرنے کا حکم:

بصورتِ مسئولہ زمین کا ایک اہم مقصد تعمیر ہے جب حکومت کی جانب سے ممانعت ہے اور مشتری کو پہلے سے اس کا علم بھی نہیں تھا تو یہ عیب میں داخل ہے ۔ لہٰذا مشتری بائع کو زمین واپس کر کے اپنے پیسے وصول کر سکتا ہے ۔
۲ ۔ خیارِ عیب میں واپسی پر فقط ثمن واپس لینے کی اجازت ہے واپسی کا خرچہ وغیرہ خود مشتری کے ذمہ ہے ہاں اگر بائع نے عمداً عیب پوشیدہ رکھ کر مشتری کو دھوکا دیا ہے تو مدیون متمرد پر قیاس کرتے ہوئے مشتری سے اخراجات وصول کر سکتا ہے ۔
۳ ۔ جب زمین بیکار تھی اور تعمیر وغیرہ کسی کام میں استعمال نہیں ہو سکتی تھی تو اس کی سیکیورٹی ادا کرنا بھی ادا کرنا بھی شرعاً لازم نہیں ہے ۔ نمبر ۱ کے دلائل ملاحظہ کیجیے: فتح القدیر میں مذکور ہیـ:

والعيب: ما تخلو عنه أصل الفطرة السليمة مما يعد به ناقصاً، قوله وإذا اطلع المشتري على عيب في المبيع، ولم يكن شرط البراءة من كل عيب، فهو بالخيار، إن شاء أخذ، ذلك المبيع بجميع الثمن، وإن شاء رده، هذا إذا لم يتمكن من إزالته بلا مشقة. (فتح القدير: ٦/۳۵۵، ط: دار الفكر).

فتاوی شامی منقول ہے:

لا بد في العيب أن لا يتمكن من إزالته بلا مشقة

وأن يكون عند البائع ولم يعلم به المشتري، ولم يكن البائع شرط البراءة منه خاصاً أو عاماً ولم يزل قبل الفسخ

الخ. (فتاوى الشامي: ۵/۵، سعيد).

احسن الفتاوی میں مذکور ہے:
عیب پر مطلع ہونے کے بعد مشتری کو اختیار ہے چاہے تو کل ثمن کے بدلے اس کو رکھے اور چاہے تو واپس کر دے ۔ (احسن الفتاوی: ٦/٤۹۳) ۔
۲ ۔ مبیع واپس کرنے کے اخراجات مشتری کے ذمہ ہیں ۔ ملاحظہ ہو (فتاوی دار العلوم زکریا، ۵/۲٤۲، ط: دیوبند) ۔
۳ ۔ متمرد مدیون سے مقدمہ کے اخراجات وصول کرنا درست ہے ۔
عزیز الفتاوی میں ہے:
جس صورت میں کہ مدیون متمرد ہے اور باوجود استطاعت دین کے ادا کرنے میں تساہل و انکار کرتا ہے اور دائن بہ مجبوری نالش کر کے قرض وصول کرتا ہے تو اس حالت میں مدیون سے خرچہ عدالت لینا درست ہے کہ سبب اس خرچہ کا مدیون ہوا ہے ۔ (عزیز الفتاوی: ۱/٦۲۵، ط: دار الاشاعت) ۔
مزید تفصیل کے لیے ملاحظہ ہو : (فتاوی دار العلوم زکریا: ۵، ۱۷۱، ط: زمزم، کراچی) ۔
واللہ سبحانہ و تعالی اعلم