گیس سلنڈر میں مارکیٹ پالیسی کے تحت کم گیس بھرنے کا حکم:

بصورتِ مسئولہ عام لوگ جانتے ہیں کہ کچھ کم گیس بھری جاتی ہے اور یہ کمپنی کی طرف سے ہے تو جائز ہے لیکن اگر مشتری کے ساتھ دھوکا بازی سے کام لیا جاتا ہو تو پھر ناجائز ہے ۔
حدیث شریف میں نبی ﷺ نے دھوکا دینے سے منع فرمایا: ملاحظہ ہو ترمذی شریف میں ہے:

عن أبي هريرة رضي الله تعالى عنه، أن رسول الله ﷺ مر علي صبرة من طعام، فأدخل يده فيها، فنالت أصابعه بللاً، فقال: يا صاحب الطعام، ما هذا؟ قال: أصابته السماء يا رسول الله! قال: أفلا جعلته فوق الطعام حتى يراه الناس، ثم قال: من غش فليس منا. (رواه الترمذي: ۱/۲٤۵).
قال في الدر المختار: لا يحل كتمان العيب في مبيع أو ثمن لأن الغش حرام، وفي رد المحتار: قوله لأن الغش حرام، ذكر في البحر أول الباب بعد ذلك عن البزازية عن الفتاوى إذا باع سلعة مبيعة عليه البيان وإن لم يبين قال بعض مشايخنا: يفسق بمجرد هذا لأنه صغيرة، قلت: وفيه نظر، لأن الغش من أكل أموال الناس بالباطل فكيف يكون صغيرة بل الظاهر في تعليل كلام الصدر إن فعل ذلك مرة بلا إعلان لا يصير به مردود الشهادة وإن كان كبيرة. (الدر المختار مع رد المحتار: ۵/٤۷، سعيد).

فتاوی محمودیہ میں مذکور ہے:
سوال: نائلون میں بیل چنٹ دار ہے وہ ہمیں نو میٹر ملتی ہے اور ہم اس کو کھینچ کر گیارہ میٹر بڑھا دیتے ہیں، اور ہم اس کو ناپ کر فروخت کرتے ہیں اور گاہک کہتا ہے کہ یہ کھینچی ہوئی ہے تو ہم کہتے ہیں کہ کھینچ کر رکھی ہے، گاہک کی مرضی ہے کہ لے یا نہ لے، اس میں شریعت کا کیا حکم ہے؟
الجواب: جب آپ بتلا دیتے ہیں کہ ہاں یہ کھینچ رکھی ہے، اور دھوکا نہیں دیتے تو خریدار کی مرضی ہے دل چاہے خریدے نہ دل چاہے نہ خریدے، دھوکا دیں تو ناجائز اور گناہ ہے ۔ (فتاوی محمودیہ: ۲٤/۲۹۹) ۔
واللہ سبحانہ و تعالی اعلم