مہر وصول ہونے سے قبل زکوٰۃ کا حکم:

صورتِ مسئولہ میں مہر وصول ہونے سے پہلے زکوٰۃ لازم نہیں ہے ۔
البحر الرائق میں ہے:

قسم أبو حنيفة رحمه الله الدين على ثلاثة أقسام قوي

وضعيف

وهو بدل ما ليس بمال كالمهر والوصية وبدل الخلع

وفي الضعيف لا تجب ما لم يقبض نصاباً ويحول الحول بعد القبض عليه. (البحر الرائق: ۲/۲۰۷، كوئٹه، والشامي: ۲/۳۰٦، باب زكاة المال، سعيد، والفقه على المذاهب الأربعة: ۱/۹٦۱).

فتاوی دار العلوم دیوبند میں ہے:
زکوٰۃ اس پر قبل الوصول واجب نہیں ہے ۔ (فتاوی دار العلوم دیوبند: ٦/۵۷ ۔ و ایضاح النوادر: حصۂ دوم: ۱۱) ۔
فتاوی محمودیہ میں ہے:
مرد جب دینِ مہر عورت کو دے دے اور وہ مقدارِ نصاب ہو اور اس پر سال بھی گزر جائے تب عورت کے ذمہ اس کی زکوٰۃ واجب ہو گی، اگر وہ مقدارِ نصاب نہیں بلکہ اس سے کم ہے اور عورت کے پاس اتنی مقدار موجود ہے جس کو مہر کے ساتھ ملا کر پورا نصاب ہو سکتا ہے تو اس کو ملا کر زکوٰۃ ادا کی جائے گی، اگر نصاب پورا نہیں ہو سکتا تو اس پر زکوٰۃ نہیں اسی طرح وصول ہونے سے پہلے زکوٰۃ واجب نہیں ۔ (فتاوی محمودیہ: ۹/۳۷۷، جامعہ فاروقیہ) ۔
واللہ سبحانہ و تعالی اعلم