مستعیر پر تاوان کا حکم:

شی مستعار کا حکمِ شرعی یہ ہے کہ وہ جب تک مستعیر کے پاس رہے گی بطورِ امانت بے ضمانت ہو گی، یعنی اس کی حفاظت کرنا مستعیر پر اسی طرح ضروری ہے، جس طرح امانت کی حفاظت کی جاتی ہے، لیکن اگر وہ چیز اتفاق سے ٹوٹ گئی یا خراب ہو گئی تو اس پر کوئی ذمہ داری نہیں۔ یعنی اس پر تاوان کی ذمہ داری اس صورت میں نہ ہو گی، جب وہ چیز اتفاق سے خراب ہو گئی یا ٹوٹ گئی ہو، لیکن اگر اس نے غلط طریقہ سے استعمال کیا، یا غیر ذمہ دار آدمیوں کے ہاتھ میں دے دیا اور وہ چیز ہلاک ہو گئی یا قصداً اس نے خراب کر دیا، یا توڑ دیاتو ان تمام صورتوں میں مستعیر پر اس کا تاوان لازم ہوگا۔
اب اس حکمِ شرعی کے تحت مسئلہ بالا کو دیکھے تو بظاہر یہ معلوم ہوتا ہے کہ اہل مدرسہ نے جب فون کا مطالبہ کیا ہو اور مستعیر نے جھوٹ بول کر یہ کہا ہو کہ میرے پاس نہیں ہے، یا بار بار پوچھنے پر خاموش رہا ہو تو یہ اس کی زیادتی و تعدی ہے اس کی وجہ سے اربابِ مدرسہ نے توڑ دیا ہو، اگر مستعیر صاف بتلا دیتا کہ یہ فون فلان طالبِ علم کا ہے، اس پر اس کے نام کا چٹ لگا دو، تو شاید اربابِ مدرسہ اس کو نہ توڑتے، لہذا اگر مذکورہ بالا صورت حال ہے تو پھر مستعیر پر تاوان لازم ہوگا، اور اگر اربابِ مدرسہ نے کسی مصلحت سے بغیر کسی وجہ کے توڑ دیا تو پھر مستعیر پر تاوان نہیں آئے گا، مگر دوسرا پہلو بعید ہے۔
ملاحظہ ہو شرح عنایہ میں ہے:

(والعارية أمانة إن هلكت من غير تعد لم يضمن الخ) إن هلكت العارية فإن كان بتعد أوجب الضمان بالإجماع وإن كان بغيره لم يضمن. (شرح العناية على هامش فتح القدير: ۹/۷، دار الفكر).

در مختار میں ہے:

(ولا تضمن بالهلاك من غير تعد) وشرط الضمان باطل كشرط عدمه في الرهن خلافاً للجوهرة. وفي الشامية: (قوله بالهلاك) هذا إذا كانت مطلقة فلو مقيدة كأن يعيره يوماً فلو لم يردها بعد مضيه ضمن إذا هلكت كما في شرح المجمع وهو المختار كما في العمادية. قال في الشرنبلالية: سواء استعملها بعد الوقت أولا وذكر صاحب المحيط وشيخ الإسلام: إنما يضمن إذا انتفع بعد مضي الوقت لأنه حينئذٍ يصير غاصباً، أبو السعود. (الدر المختار مع رد المحتار: ۵/٦۷۹، كتاب العارية، سعيد).

شرح المجلہ میں ہے:

العارية أمانة في يد المستعير فإذا هلكت أو ضاعت أو نقصت قيمتها بلا تعد ولا تقصير لا يلزم الضمان

وإذا حصل من المستعير تعد أو تقصير بحق العارية ثم هلكت أو نقصت قيمتها فبأي سبب كان الهلاك أو النقص يلزم المستعير الضمان. (شرح المجلة: ۳/۳۱۲، المادة: ۸۱۳، ۸۱٤).

عالمگیری میں ہے:

ولو رد الثوب المستعار فلم يجد المعير ولا من في عياله فأمسكه الليل وهلك لا يضمن ولو وجد من في عياله ولم يرده يضمن. (الفتاوى الهندية: ٤/۳۷۰).

مزید ملاحظہ ہو: (
البحر الرائق: ٦/۲۱۷، كوئته. والفتاوى الهندية: ٤/۲٦۳. وحاشية الطحطاوي على الدر المختار: ۳/۳۸٦. وفتح باب العناية: ۳/۳٤٦).

واللہ سبحانہ و تعالی اعلم