رضا نام کا صحیح تلفظ:

رِضا یہ عربی لفظ ہے اور عربی میں راء کے زیر کے ساتھ آتا ہے راء کا فتحہ صحیح نہیں ۔ یہ اسم مصدر ہے اس کے معنی خوشنودی اور خوشی اور راضی ہونا ہے۔
ہاں عرف میں لوگ اردو میں بولتے وقت اعراب کا زیادہ لحاظ نہیں کرتے اس وجہ سے بولتے وقت رَضا زبر کے ساتھ ٹھیک ہے اس کو غلط نہیں کہیں گے، عربی کے بے شمار الفاظ ایسے ہیں جو اردو زبان میں مستعمل ہیں لیکن اعراب میں تلفظ درست نہیں ہے، اگر چہ اردو میں صحیح اور ٹھیک ہیں۔ مثلاً فلاں کا یہ موقَف ہے، فلاں کو یہ منصَب حاصل ہوا، فلان اپنے مقصَد میں کامیاب ہوا، فلاں کو بہت خزانہ حاصل ہوا، یہ الفاظ عربی میں کسرہ کے ساتھ صحیح ہیں، لیکن اردو میں زبر کے ساتھ مستعمل ہیں، اور مستقبل اردو میں کسرہ کے ساتھ مستعمل ہے اور عربی میں فتحہ کے ساتھ بھی آتا ہے۔
واللہ سبحانہ و تعالی اعلم