تلاوت میں بعض حروف کی تبدیلی سے نماز کا حکم:

اگر کسی کو غلط پڑھنے کی عادت ہو جائے اور ایسی غلطی جس سے معنی میں تبدیلی نہیں آتی، تو نماز فاسد نہیں ہو گی، اور اس کے پیچھے پڑھی ہوئی نماز درست ہے۔ ملاحظہ ہو فتاوی شامی میں منقول ہے:

وإن كان الخطأ بإبدال حرف بحرف، فإن أمكن الفصل بينهما بلا كلفة كالصاد مع الطاء بان قرأ الطالحات مكان الصالحات فاتفقوا على أنه مفسد وإن لم يمكن إلا بمشقة كالظاء مع الضاد والصاد مع السين فأكثرهم على عدم الفساد لعموم البلوى. (فتاوى الشامي: ۱/٦۳۱، سعيد).

حضرت مولانا اشرف علی تھانوی رحمه الله اشرف الاحکام میں رقم طراز ہیں:
امام فضلی رحمه الله کا قول ہے کہ جس شخص کو غلط لفظ پڑھتے پڑھتے اس کی عادت ہو گئی تو وہ اس کا لغت ہو جائے گا لہٰذا ایسے شخص کے پیچھے صحیح قرآن پڑھنے والے کی نماز صحیح ہو جائے گی چنانچہ ایک مرتبہ مکہ معظمہ میں ایک ترکی امام کے پیچھے حضرت مولانا محمد قاسم صاحب اور کئی علماء نے نماز پڑھی، ترکی ک کی جگہ چ پڑھتے ہیں، امام نے بھی ایاک کی جگہ ایاچ نعبد پڑھا سب لوگوں نے نماز لوٹائی مگر مولانا قاسم صاحب رحمه الله نے نہیں لوٹائی اور یہی ارشاد فرمایا۔ (اشراف الاحکام، ص ۵۹، بحوالہ: انفاسِ عیسی ج ۲ ص ٤۳٤، ط: ادارۂ اسلامیات کراچی)۔
واللہ سبحانہ و تعالی اعلم