" اگر تم بھائی کے گھر گئی تو فارغ "کہنے سے طلاق کا حکم:

بصورتِ مسئولہ اگر عورت بھائی کے گھر چلی جائے گی تو بلا نیت طلاق واقع ہو جائے گی، کیوں کہ عموماً فارغ کا لفظ طلاق کے لیے استعمال ہوتا ہے، لہٰذا طلاق واقع ہو جائے گی، یہ لفظ محتاجِ نیت نہیں ہے ۔
ملاحظہ ہو فتاوی شامی میں منقول ہے:

سرحتك كناية لكنه في عرف الفرس غلب استعماله في الصريح فإذا قال: رها كردم أي سرحتك يقع به الرجعي مع أن أصله كناية أيضاً وما ذاك إلا لأنه غلب في عرف الناس استعماله في الطلاق وقد مر أن الصريح ما لم يستعمل إلا في الطلاق من أي لغة كانت لكن لما غلب استعمال حلال الله في البائن عند العرب والفرس وقع به البائن لولا ذلك لوقع به الرجعي. (فتاوى الشامي: ۳/۲۹۹، سعيد). وفي الهندية: وإذا أضافه إلى الشرط وقع عقب الشرط اتفاقاً. (الفتاوى الهندية: ۳/۳۰۲).

آپ کے مسائل اور ان کا حل میں مذکور ہے:
میں نے تمہیں فارغ کر دیا، طلاق ہی کے الفاظ ہیں، ان الفاظ سے ایک طلاق بائن واقع ہو گئی، دوبارہ نکاح کر لیا جائے ۔ (آپ کے مسائل اور ان کا حل: ٦/٤۵۸) ۔
احسن الفتاوی میں ہے: لفظ فارغ خطی عرف میں طلاق کے لیے مستعمل ہے ۔ (احسن الفتاوی: ۵/۱۵۵) ۔
امداد الفتاوی میں ہے:
یہ لفظ فارغ خطی کنایہ ہے اور چونکہ اس سے ایقاع بائن متعارف ہے اس لیے بلا نیت اس سے طلاق بائن واقع ہو جائے گی ۔ (امداد الفتاوی: ۲/٤٤۸) ۔
واللہ سبحانہ و تعالی اعلم