دکان چھوڑنے سے قبل اطلاع کرنے کی شرط کا حکم:

بصورتِ مسئولہ یہ معاملہ مالی جرمانہ کے قبیل سے ہے، جن علماء کے نزدیک مالی جرمانہ لگانا جائز ہے وہ اس صورت کو جائز کہتے ہیں، اور جو حضرات مالی جرمانہ کو درست نہیں سمجھتے ان کے نزدیک یہ صورت جائز نہیں ہے۔ مالی جرمانہ کی تفصیل فتاوی دار العلوم زکریا، جلد چہارم میں گزر چکی ہے۔
نیز اگر کسی ملازم پر شرط لگائی گئی کہ آپ ملازمت چھوڑنے سے تین ماہ پہلے بتلا دیں گے، بصورتِ دیگر آپ تین ماہ کی تنخواہ کمپنی کو دیں گے، اس کا بھی وہی جواب ہے جو ما قبل میں مذکور ہوا۔
اسی طرح اگر حکومت کی طرف سے ملازم کے حق میں یہ قانون ہو کہ مالک اس کو تین ماہ پہلے اطلاع کے بغیر ملازمت سے نہیں نکال سکتا، ورنہ ملازم حکومت سے نالہ کر کے تین ماہ کی مزید تنخواہ وصول کروا سکتا ہے، اس کا بھی وہی حکم ہے۔
واللہ سبحانہ و تعالی اعلم