صابر نام رکھنے کا حکم:

۱۔ صابر نام رکھنا جائز ہے، صبر کی کئی اقسام ہیںـ (۱) صبر علی الطاعات۔ (۲) صبر عن المعاصی و المنکرات۔ (۳) صبر عن البدعات۔ (٤) صبر عن الشہوات۔ (۵) صبر عن الشبہات۔ (٦) صبر علی الآفات و البلیات، صبر کی پہلی پانچ قسمیں ہر وقت مطلوب ہیں ہاں چھٹی قسم مصیبت کے بعد مطلوب اور مصیبت سے پہلے محجوب ہے تو صابر میں پہلے پانچ معانی کو ملحوظ رکھتے ہوئے یہ نام رکھا جائے۔
۲۔ نیز صبر کے ایک معنی جرءت بھی ہے اور حضرت تھانوی رحمه الله کے الفاظ میں قوتِ تحمل ہے ۔ (امداد الفتاوی:
٤
/
۴۹۷
)۔ تو قوتِ تحمل کی دعا مانگنی چاہیے، یعنی یا اللہ اگر کبھی کوئی خلاف مزاج شیٔ پیش آ جائے تو قوتِ تحمل عطا کر دے۔ ملاحظہ ہو القاموس الوحید میں ہے:
الصابر: جفا کش، با ہمت، صبر کنندہ، متحمل، محنتی۔ (القاموس الوحید:
۱
/
۹۰۸
)۔
واللہ سبحانہ و تعالی اعلم